എന്റെ ആത്മാവ് നിന്നോട് മന്ത്രിച്ചത്
പ്രണയബാഷ്പം കൊണ്ടൊരു ഉദകം എന്നല്ല
പാതിചാരിയ പടിവാതില്‍ തുറന്നു
ജന്മജന്മാന്തരങ്ങള്‍ ഞാന്‍ കാത്തുനില്‍ക്കുമെന്നാണ്
എന്നിലെ എന്നില്‍ ഞാന്‍ അടക്കം ചെയ്ത
ഓര്‍മകളുടെ ചിതാഭസ്മം ഇന്ന് ഞാന്‍
ഈ തിരയോളങ്ങളില്‍ നിമഞ്ജനം ചെയ്യും
നിന്റെ ഇഷ്ടങ്ങളെ ആവോളം സ്നേഹിച്ച ഞാന്‍
എന്റെ സ്നേഹത്തിനര്‍ത്ഥം നല്‍കേണ്ടതിങ്ങനെ അല്ലെ?
ഞാന്‍തന്നെ ചെയ്യുന്നു എന്റെ പ്രണയത്തിനു
ആദ്യ ഉദകം....
കാലത്തിന്റെ ബലിച്ചോറില്‍
മറവിയുടെ കറുകനാംബുതൊട്ടു
ഓര്‍മകളുടെ ചിതാബസ്മവുമായ്
ഞാനിരങ്ങുന്നുവീ
സ്നേഹത്തിന്നാഴിയില്‍
കാരണം...
നിന്നെ ഞാന്‍ ഒരുപാട് സ്നേഹിക്കുന്നു..
